البقيـه فـي حياتـك مابقـى فينـي بقـايـا
عاشقك خابت ضنونـه والبقيـه فـي حياتـك
سايري ركب السحايب واتركي ذيـك الزوايـا
وأذكريني شخـص عابـر لاتسمينـي غناتـك
جرح قلبي مابريتـه والأمـل خيّـب رجايـا
حاقدً في قلب عاشق ؟ ماحـدً سـوى سواتـك
طيفك اللي مانسانـي أنكسـر وسـط المرايـا
جمع شتاتك حبيبي ..؟ دام ركب الحـب فاتـك
كم تحملت المصايب ؟ كم دمحت من الخطايـا؟
راجع حسابك وتلقى ناتـج الحـب وصفاتـك
كم تعطشـت لحنانـك ؟ كـم تعذبـت بشقايـا
للاسف (عاذل هوانا) بلّ ريقـه مـن فراتـك
صاحبي والعمر واحد (أبتعـد وأطلـق يدايـا )
وإن كسرك الوقت اسند كف توديعك عصاتـك
الزمن دوّار بكره .. يدور فـي وقتـي رحايـا
بعدها أدفن همومي فـي صحـاري ذكرياتـك
ياشقى..طال الصراع وصاحت جروح الخفايـا
ماتنفسـت الحيـاة ولا السحايـب ممطراتـك
عيب تطعن ؟ عيب تجرح.. عيب..تستكثر شفايا
خلّ في قلبك مروه .. قبل .. ماتضحك شفاتـك
لاتقول إنك مضحي 000والله سنينـي ضحايـا
راحت سنيني حسافه وانت تحكـي تضحياتـك
جفت احبار المشاعـر فـوق اوراقـن عرايـا
ليه تنسى ؟ ليه تقسى ؟ والغلا احـلا امنياتـك
أنتهينا وكل واحد .. صافح كفـوف ..النهايـا
كنت شخصن ممتلكني وانكر الخافـق غلاتـك
ومات حبك في حياتي .. والسبب ذيك السوايـا
واندفن قلبي .. وغدرك صار من فوقه حصاتك
أنتهينا وكل واحد .. صافح كفـوف ..النهايـا
وأذكريني شخص عابر ... لاتسمينـي غناتـك
.
[center]
موضوع: افتراضي البقيـه فـي حياتـك مابقـى فينـي بقـايـا 
الجمعة نوفمبر 27, 2009 10:12 am
