أنت خمسه سبعتين وذاك سبعه خمستين !!

دق جوالي وأحس القلب يومـه دق .. دق
صفر خمسه أربعه .. وآخـره خمسـه سبعتيـن
قلت في بالي وش الطاري عسى المحبـوب رق
من ثمان شهور ما يسأل عسى الطـاري حنيـن
المهـم أنـي ذكـرت الله .. وقلـت الله حــق
واضغط الزر المحدد .. سم .. عفوا .. أنت مين؟
قلتها وأنا أعرفـه مير الثقل حل وسبْق
قال أنا اللي متصل وأرجوك زيّنها تزين
قلت (يعني) قال يعنـي شوفنـي ميـت زهْـق
ودي أسولف معك من غير جيـم وغيـر سيـن
قلت تآمر قـال تسلـم وابتـدا كشـف الـورْق
واسمعه دق (السبيكر) قلت .. عونـك يامعيـن
قال وش حالك عساك بخير .. قلت الخيـر طـق
من عقب فرقاك يا قاسـي غـدا حالـي حزيـن
قال قلبك وش علومـه .. قلـت قلبـي أحتـرُق
ما قـوا هجـرك ولا بعـدك ولا قهـر السنيـن
قال شعرك .. قلت شعري .. لا ابد طـب وتنْـق
كل خفّاقي قصايد .. مـن يسـار ومـن يميـن
قال كبه .. قلت أكبه .. قـال والمركـب غـرْق
قلت مركب ايش هذا .. قـال طحـت بهالكميـن
ماني بصاحبك بس أرجـوك مـن يسبـق لبْـق
انت اسلوبك عسـل وانفـاس حكيـك ياسميـن
بالغلط دقيـت .. وأحمـد ربـي الـرازق رزْق
والله أعلم انـك مشبـه علـى شخـص ثميـن
قلت لحظه ماهي الدعوه صحـن خبـز ومـرْق
اصبر اصبر خلني أعرف مكان اللبس ويـن ؟
قمت أراجع رقمك الموجود واشوفه فرْق
أنت خمسه سبعتين وذاك سبعه خمستين !!

منقووول ,,

قلت تآمر قـال تسلـم وابتـدا كشـف الـورْق
واسمعه دق (السبيكر) قلت .. عونـك يامعيـن
قال وش حالك عساك بخير .. قلت الخيـر طـق
من عقب فرقاك يا قاسـي غـدا حالـي حزيـن

حلوووووووووووووه

صح لسان قايلها
وتسلمين ع النقل
ثانكيووو